പൂമൂടും കാട്ടിലൊരത്തിമരമു-
ണ്ടത്തിമരമുണ്ടത്തിന്റെയെത്താ-
കൊമ്പത്തൊരാണ്‍കിളി-
യുണ്ടൊരു പെണ്‍കിളിയും.
ആ മരച്ചില്ലമേല്‍ കൂടുകൂട്ടിയവര്‍
സ്നേഹമായങ്ങനെ വാഴും കാലം
അന്നൊരുനാളിലായോതിയാ പെണ്‍കിളി
അത്തിപ്പഴമിനി വയ്യ വയ്യ!
ചുണ്ടാകെ ചെടിക്കുന്നെന്‍
മനമാകെ മടുത്തിനി മറ്റൊരു
നല്ല ഫലം കഴിക്കാം
കേട്ടതു പാതിയും കേള്‍ക്കാത്തതും പാതി
ആണ്‍കിളിയെങ്ങോ പറന്നു പോയി
തന്‍ പ്രിയപ്രേയസി തന്നുടെയാഗ്രഹ-
മേറ്റുവാനായി പറന്നു പൊങ്ങി.
ദൂരെയാമാമലയ്ക്കപ്പുറമുണ്ടൊരു
കാടതു തന്നില്‍ ഫലങ്ങളേറ്റം
മാമ്പഴമുണ്ടു മല്‍ഗോവയുമുണ്ടല്ലോ
എത്ര നാനാതരം ഫലങ്ങളയ്യാ!
എത്ര പെറുക്കിയെടുത്തിട്ടുമിഖനി-
യിത്തിരിപോലും കുറയുന്നീല്ലാ,
ഇപ്പൊഴാ കണ്‍കളില്‍ മിന്നുവതെന്തതാ-
ര്‍ത്തിതന്‍ നേര്‍ത്ത കിരണമത്രെ!
കാല്‍ക്ഷണം പോലുമേ പാഴാക്ക വേണ്ടയി-
തത്രയും തന്റേതു മാത്രമാക്കാമെന്നു-
നിനച്ചവന്‍ വേലചെയ്തീടവേ
കാലമതങ്ങനെ നീങ്ങിപ്പോയീ.
മാനം കറുത്തതറിഞ്ഞതില്ലായവ-
നിലകള്‍ കൊഴിഞ്ഞതറിഞ്ഞതില്ല.
ഫലങ്ങളനവധി കൊത്തിപ്പെറുക്കിയിട്ടാ-
ക്കിളിയമ്പേ തളര്‍ന്നുപോയീ.
മതിമതിയിതുമതിയെന്നു കല്പിച്ചവന്‍
തന്‍ കൂടു തേടി പറന്നു മെല്ലെ
അവിടെയങ്ങത്തിമരത്തിന്മേലിണ്ടൊരു
പെണ്‍കിളി മാനത്തു കണ്ണുംനട്ട്
കാന്തനവനുടെ ചിറകൊച്ച കേള്‍ക്കാനായ്
കാതുകള്‍ കൂര്‍പ്പിച്ചിരിപ്പതുണ്ട്!
പക്ഷങ്ങള്‍ തന്നിലെ തൂവല്‍ പൊഴിഞ്ഞി-
ട്ടാക്കിളി പെണ്ണിന്റെ കാന്തി മങ്ങി
ചെഞ്ചുണ്ടതുകള്‍ ക്ഷയിച്ചു പോയി
ആണ്‍കിളിയൊന്നങ്ങു തേങ്ങിപ്പോയീ
അത്രമേല്‍ മോഹിച്ചു നേടിയതൊന്നുമേ
ഭക്ഷിപ്പതിനവള്‍ക്കാവതില്ലാ!
ആശതന്‍ പാശമതേശികിടക്കവേ
ജീവിതമയ്യോ കളഞ്ഞുപോയീ!
ണ്ടത്തിമരമുണ്ടത്തിന്റെയെത്താ-
കൊമ്പത്തൊരാണ്‍കിളി-
യുണ്ടൊരു പെണ്‍കിളിയും.
ആ മരച്ചില്ലമേല്‍ കൂടുകൂട്ടിയവര്‍
സ്നേഹമായങ്ങനെ വാഴും കാലം
അന്നൊരുനാളിലായോതിയാ പെണ്‍കിളി
അത്തിപ്പഴമിനി വയ്യ വയ്യ!
ചുണ്ടാകെ ചെടിക്കുന്നെന്‍
മനമാകെ മടുത്തിനി മറ്റൊരു
നല്ല ഫലം കഴിക്കാം
കേട്ടതു പാതിയും കേള്‍ക്കാത്തതും പാതി
ആണ്‍കിളിയെങ്ങോ പറന്നു പോയി
തന്‍ പ്രിയപ്രേയസി തന്നുടെയാഗ്രഹ-
മേറ്റുവാനായി പറന്നു പൊങ്ങി.
ദൂരെയാമാമലയ്ക്കപ്പുറമുണ്ടൊരു
കാടതു തന്നില്‍ ഫലങ്ങളേറ്റം
മാമ്പഴമുണ്ടു മല്‍ഗോവയുമുണ്ടല്ലോ
എത്ര നാനാതരം ഫലങ്ങളയ്യാ!
എത്ര പെറുക്കിയെടുത്തിട്ടുമിഖനി-
യിത്തിരിപോലും കുറയുന്നീല്ലാ,
ഇപ്പൊഴാ കണ്‍കളില്‍ മിന്നുവതെന്തതാ-
ര്‍ത്തിതന്‍ നേര്‍ത്ത കിരണമത്രെ!
കാല്‍ക്ഷണം പോലുമേ പാഴാക്ക വേണ്ടയി-
തത്രയും തന്റേതു മാത്രമാക്കാമെന്നു-
നിനച്ചവന്‍ വേലചെയ്തീടവേ
കാലമതങ്ങനെ നീങ്ങിപ്പോയീ.
മാനം കറുത്തതറിഞ്ഞതില്ലായവ-
നിലകള്‍ കൊഴിഞ്ഞതറിഞ്ഞതില്ല.
ഫലങ്ങളനവധി കൊത്തിപ്പെറുക്കിയിട്ടാ-
ക്കിളിയമ്പേ തളര്‍ന്നുപോയീ.
മതിമതിയിതുമതിയെന്നു കല്പിച്ചവന്‍
തന്‍ കൂടു തേടി പറന്നു മെല്ലെ
അവിടെയങ്ങത്തിമരത്തിന്മേലിണ്ടൊരു
പെണ്‍കിളി മാനത്തു കണ്ണുംനട്ട്
കാന്തനവനുടെ ചിറകൊച്ച കേള്‍ക്കാനായ്
കാതുകള്‍ കൂര്‍പ്പിച്ചിരിപ്പതുണ്ട്!
പക്ഷങ്ങള്‍ തന്നിലെ തൂവല്‍ പൊഴിഞ്ഞി-
ട്ടാക്കിളി പെണ്ണിന്റെ കാന്തി മങ്ങി
ചെഞ്ചുണ്ടതുകള്‍ ക്ഷയിച്ചു പോയി
ആണ്‍കിളിയൊന്നങ്ങു തേങ്ങിപ്പോയീ
അത്രമേല്‍ മോഹിച്ചു നേടിയതൊന്നുമേ
ഭക്ഷിപ്പതിനവള്‍ക്കാവതില്ലാ!
ആശതന്‍ പാശമതേശികിടക്കവേ
ജീവിതമയ്യോ കളഞ്ഞുപോയീ!
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ